Miss Kundwa Doriane arategura igikorwa cyo gukusanya inkunga yo gufasha abarokotse Jenoside

Miss Kundwa Doriane arimo gutegura igikorwa cyo gukusanya inkunga igenewe gufasha abasizwe iheruheru na Jenoside yakorewe abatutsi muri Mata 1994.
Iki gikorwa cyahawe izina rya “city on hill” kikaba kizabera kuri Serena Hotel kuri uyu gatandatu tariki ya 2 Gicurasi 2015.

Nanone, iki gitamo kizaba kirimo bamwe mu bahanzi b’ibyamamre mu njyana yo guhimbaza Imana (gospel). Aha harimo Beauty for Ashes, Patient Bizimana, Serge Iyamuremye ndetse n’itsinda the sisters.

Nk’uko yabitangaje ku rubuga rwa facebook,Miss Kundwa Doriane yagize ati : “twahawe umugisha ngo tuwuheshe n’abandi. nizeye ko twese tuzaza gushyigikira abavandimwe ndetse n’ababyeyi bacu barokotse Jenoside. Imana ibahe umugisha”

Tubabwire ko Miss kundwa Doriane afite n’ibindi bikorwa kuri gahunda arimo gutegura mu gihe agifite iri kamba bizaba mu minsi iri mbere.

SHYAKA Cedric