Ibikenerwa mu gutekera abantu 4

• Inyanya nziza 700 gr

• Litilo imwe y’ umufa w’imboga

• Garama 30 z’igitunguru

• Intete imwe ya Tungurusumu

• Garama 50 z’igitunguru cya Puwaro

• Butter (beurre) 35 gr

• Garama 30 za Fresh Cream (crème fraîche)

• Frech cream na Butter ntibifite izina ryihariye mu Kinyarwanda

Uko itegurwa

• Ufata ibyo byose byavuzwe haruguru ukabitunganya , ukoza ibyozwa, ugapima ibipimwa, ugakata ibikatwa byose nk’ibitunguru.
• Iyo umaze kubikata ushyira isafuriya ku mashyiga, igashyuha ariko mu rugero, ntitukura kuko iyo uyitukuje ushyiramo butter igahita ishirira.
• Umaze gushyiramo ibitunguru(Tunguru sumu, na puwaro) ugakaranga kugeza ugihe bihwanye bikanahindura ibara ari nako bisa n’ibibyara amazi.
• Nyuma wongeramo inyanya wakatakase uko ubonye, maze ugakomeza gukaranga kugeza igihe inyanya zishya kandi bitangiye no gutogota.
• Nyuma usukamo umufa w’imboga warangiza ukareka bikagera aho bitogota, iyo bitogose uhita ugabanya umuriro maze ukabireka bigatogota ikiyengera, nko mu gihe cy’isaha imwe ariko bidapfundikiye.
• Muri icyo gihe bitogota birabira bikazana ifuro hejuru. Ugerageza kurikuraho kuko rishobora kwangiza uburyohe bw’isupu
• Iyo umaze gukora ibyo urayisya, ukayiyungurura, maze ugashyiramo umunyu, n’agasenda ku gipimo wumva kikuryoheye, ugahita unavangamo fresh cream.
• Iyo washyizemo cream si byiza kongera kuyitogosa kuko iyo ubikoze uba wishe uburyohe bwa cream.
  Iyi supu ishobora guhaza abantu bane yitegurane n’umugati.

Bachu.