Umuceri ahanini dukunda ku wuteka ku iziko risanzwe haba ku mbabura, kuri cuisiniere n’ahandi ariko burya ushobora no guteka umuceri ukoresheje ifuru ugasanga umuceri uryoshye kandi uhumura neza.

Dore uko bateka umuceri ku ifuru :
Ibikoresho :

• Umuceri garama 300
• Amavuta ya beurre garama 25
• Igitunguru 1
• Umunyu na poivre
• Umufa ½ cya litiro

Uko bikorwa :

1. Yengesha amavuta mu isafuriya ushyiremo igitunguru
2. Sukamo umuceri uvange kugeza umuceri utangiye koroha
3. Shyiramo umunyu na poivre uvange
4. Sukamo umufa
5. Bishyire mu ifuru bimaremo iminoto iri hagati ya 20 na 25 ku buryo umufa wose uri bube wakamyemo umuceri ukumuka neza
6. Wugabure ugishyushye

Gracieuse Uwadata