Desseri ya shokola
Ibikoresho :
Amata akonje 150ml
Cafe ikaze cyane 50 ml
Shokola irimo cocao iri hejuru ya 46% 300g
Creme fresh ikiri nshya igice cya litiro
Ibisobanuro ku bikoresho :
Ugomba kuba ufite shokola nziza : Hitamo shokola yanditseho ko ari “pur” cyangwa se “noir”, hari n’iziba zanditseho “noir de noir”. Iyo shokola igomba kandi kuba irimo cacao irengeje 46% kugera kuri 75%. Biba byanditseho ku gifuniko.
Ubwoko bwiza bwa shokola : shokola nziza ni izo mu bwoko bwa cote d’or, Every day na chocolat suisses. Ku isoko ryo mu Rwanda zigura amafaranga ibihumbi 3 kuri shokola ya garama 100. Izo shokola ziboneka mu maguriro yo muri Kigali nka Frulep, La Galette, La Bonne source na Kime.
Ugomba kwirinda shokola zikorerwa mu Bwongereza,no muri Afrika y’epfo nk’izitwa Cadbury kuko zibamo isukari nyinshi ikagira cocao nke.
Ushobora kandi gukoresha creme zikorerwa ino nka Masaka Farms ya 250 ml, cyangwa se Every Day iba ifite 200ml.
Iyo creme kandi igoba kuba ikoroze neza ikanoga. Koresha umutozo bacomeka ku mashanyarazi cyangwa se umutozo w’icyuma usanzwe, kandi umenye ko ugomba kubanza kuyikonjesha muri frigo kugirango ize kunoga neza.
Agasorori ukoresha ukoraga creme fresh, kagomba kuba gafukuye cyane cyandi ari kagari.
Uko bikorwa :
Shyira creme muri frigo imaremo amasaha abiri
Mu isafuriya canira amata na cafe
Fata shokola uzikatemo uduce duto ukoresheje icyuma, ubikorere ku meza yo mu mbaho
Kura ya safuriya ku ziko
Genda ushyiramo gahoro gahoro za shokola wakasemo duto, mu mata agishyushye
Bivange ukoresheje akamamiyo gakoze mu giti
Itegereze neza urebe ko shokola yose yayengeyemo, ko nta yasigaye itayenze
Reka iyo mvange ihore neza
Mu gasorori kanini koroga creme kugeza inoze neza
Vanga ya shokola na creme
Bishyire mu dusorori duto dutandukanye cyangwa se ubishyire mu isorori nini byose hamwe ubishyire muri frigo bimaremo amasaha 2
Byatanzwe na Madame Marie, umutoza mu guteka
Tel : 0785296033
Info@madamemarie.n