Ibikoresho

• Inyama ziseye ( viande hachee) garama 300
• Umuceri wa basmati cyangwa undi wose muremure garama 500
• Simba mbili ¼ y’akayiko
• Igitunguru 1
• Umufa litiro 1
• Amavuta ibiyiko 2
• Tangawizi iseye ½ k’akayiko
• Umunyu ½ y’akayiko

Uko bikorwa

1. Shyushya amavuta ku isafuriya ushyiremo inyama
2. Komeza uzivange kugeza zihinduye irangi zigasa n’izihiye
3. Shyiramo igitunguru ukomeze uvange
4. Sukamo umuceri uvange cyane vuba vuba kugirango inyama zidatuma ufata hasi
5. Umuceri umaze guhindura irangi ushyiremo tangawizi, umunyu,na simba mbili
6. Komeza uvange umare iminota 5
7. Sukamo umufa upfundikire ku muriro muke cyane uwureke amazi ashiremo neza
8. Ubonye amazi atangiye gukama umuceri utarashya ushyiramo amazi make ashyushye ukayakwiza hose mu muceri

Gracieuse Uwadata