Ahabanza » Abagore » Ubuhamya » Ndashima Imana yankijije kanseri y’ibere

Ndashima Imana yankijije kanseri y’ibere

Yanditswe kuwa 24-08-2017 Saa 23 : 58

Nitwa Diane Kamdia ndi umudamu,ndubate mfite umugabo n’abana 4 n’umwuzukuru umwe. Ndi umukiristu ndakijijwe, Yesu ni umwami n’umukiza wanjye.

Uyu mwanya nifuje kwandika ubu buhamya kugirango mbugeze kuri benshi, mbonereho no gushima Imana mbinyujije mu nyandiko ku mirimo itangaje yankoreye.

Mu 2009 mu kwezi kwa cyenda nibwo namenye ko mfite uburwayi mu ibere kuko harimo ikintu kipfunditse ntashoboye gusobanukirwa kandi sinaribwaga. Nibwo nabyeretse umu docteur muri CHUK ari naho nakoreraga, ubwo bankoreye ubizamini baza kunyohere King Faycal gukoresha ibipimo (biopsy).Tariki ya 09/11/2009 nibwo nahawe ibisubizo bimbwirako ndwaye kanseri y’ibere.

Naratashye namwe murabyumva uko byari bimeze. Ndibuka ko nandikiye abanyeyi banjye message na muramu wanjye mbura numwe wansubiza nabo ntibyaboroheye kubyakira.

Nageze mu rugo ninjira mu cyumba ndapfukama mbwira Iman anti: Mana umpe zo kwakira iki kigeragezo, unkomeze kugirango nanjye nkomeze abana n’umuryango wose. Imana irabimpa ndakomera p. Impa ijambo 1 carith 1:13 rivuga ngo nta kigeragezo kibasha kubageraho kitari rusange mu bantu …

Ndibuka ko umwana muto yinjiye mu cyumba asanga mpfukamye arambazi ati Mana kubera iki ugeze mu cyumba ugahita usenga?Ndamubwira nti numvise gusa ngomba gusenga, arambwira ati hari ikintu umpishe mama.

Ubwo natangiye gahunda zo kwivuza, Imana impa kugirira umugisha ku bantu. Navuga ngo ikibazo cyanjye Imana igishyira ku mitima y’abantu benshi,abantu baritanga n’uburyo mu buryo ntabasha kuvuga imiryango, inshuti,aho nakoreraga CHUK bankoreye ibintu ntazibagirwa ubuzima bwanjye bwose. Mu kwezi kumwe nari mbonye amafaranga yose yo kwivuza mu Buhinde.

Kwandika ibi bintu ntabwo binyoroheye keretse iyo mbyatuje akanwa kanjye nibwo mwabasha kubyumva cyane.

Tariki ya 13/12/2009 nibwo nagiye MIOT Hospital mu Buhinde nyuma y’amezi atatu nkomeza traitement . ikintu cyaje kumerera nabi ni imiti bita chimiotherapie. Ni imiti ikomeye ikumaraho akantu kose k’akoya guhera ku musatsi, ariko navuga ko itangizeho ingaruka cyane nkuko nabonaga abanda bameze.

Nyuma y’umwaka nagize amahirwe nza kubona visa nza hani muri USA ari nah ntuye ubu, nkomeza gusuzumwa, kugeza uyu munsi ndi muzima imyaka ibaye 7 hafi 8.

Nkaba nshimira Imana yanyongereye iyi minsi yo kubaho, kandi mu burwayi bwanjye narushijeho kwegera Imana no gutinyuka kuyivugira kuko narayibonye ikora ibitangaza. Njya numva aho ngeze hose nababwira ibyo Imana yankoreye.

Ndizera ko ubu buhamya buzasomw an’abantu benshi bazafatanya nanjye gushima Imana.

Ikindi kintu nasanze gifasha mu kibazo icyo aricyo cyoseni ukwiyakira. Iyo utiyakiriye urahahamuka.

Bene data, abo dusangiye gucungurwa, mumfashe gushima Imana no kuyiha icyubahiro ku mirimo yakoze

Diane Kamdia
USA- Tucson Arizona

Forum posts

  • Imana ishimwe kandi ihabwe icyubahiro. Ijambo ry’Imana riravuga ngo ntawe ukorera Imana uzakorwa n’isoni.

  • Imana ihabwe icyubahiro kandi isingizwe ibihe byose

  • Imana ihabwe icyubahiro kubwimirimo ikora.
    Mama we urakoze cyane kudusangira ubu buhamamya

  • Imana ishimwe cyane, uyiringiye ntakorwa n’isoni.

  • Imana ishimwe! iracyakora imirimo n’ibitangaza, icyubahiro ni icyayo ibihe byose

  • Yoooo, Imana ishimwe cyane yabanye nawe muri ibyo bihe bitoroshye na gato! Icyubahiro Ni icyayo ibihe byose. Urakoze cyane kubera temoignage.

  • yesu nashimwe wongere ngo ibihe byose ngisoma iyi nkuru nifuje cyane kukubwira ko yesu ashobora byose kuko njye nakize cancer yari yafashe ama organe atandatu kdi rwose narakize kdi burya nasanze yesu ashobora byose gusa njye kubyandika birangora kuko iyo mbivuga birushaho kumva imbaraga za yesu.muvandimwe rero komera kdi ukomeze nabandi kuko barahari babajwe nayo,kdi mpamya ko yesu yanze ko tugenda kugirango tumuhamye

  • Icyubahiro ni icy’ Imana🙏

  • imana isingizwe rwose.erega irashoboye abatabizi nabo bazagera igihe babimenye

  • Imana ihimbarizwe ibyo yagukoreye muvandimwe. 🙏

  • YOBU 42: 2. Imana ishobora byose kandi ntakibasha kurogoya imigambi y’ayo. urakoze kuduha ubuhamya kandi bufashije benshi. Ikidukwiriye ni ukugira kwizera kandi tukihanganira ibitugerageza byose kuko Imana ifite imigambi myizakuri twe kandi iradukunda cyane!

  • urakoze Mana kubwimirimo myiza itangaje wakoreye uyu mubyeyi, komeza ufashe imiryango nyarwanda iremerewe; habwa icyubahiro

  • Imana ishimwe icyampa ngo igihe cyose nzajye nkwizera

  • yooo Imana ishimwe nukuri yarakoze uyu mu mama ndamuzi twari duturanye I gikondo mu rutoki yakunda abantu yicisha bugufi abantu bamukunda yarafite ingingo nyinshi zimurengera ku Muna kko yakoreraga Imana pee ntaburyarya Imana ishimwe ibyo yagukoreye nshimye Imana yaguha na visa disi gukorera iyi Mana ntagihombo kirimo

  • Imana yacu ihabwe icyubahiro ibihe byose.

  • UWITEKA IMANA YOMWIJURU ISINGIZWE KANDI IGANZE ITEKARYOSE

  • IMANA ISINGIZWE ITEKA KANDI IMENYWE NABURI WESE.BY JACKY

  • IKIBAHIRO NIKIYIGARUKIRE

  • Imana ijya yigaragaza mugihe tubona byaturangiranye,gusa igisabwa kiba ari kuyigumaho,tukayitumbira!

  • uwera uwera uwera icyubahiro nicyawe iteka ryose amen

IBITEKEREZO

  • To create paragraphs, just leave blank lines.