Iyi supu igaburwa ikonje, bikaba byaba byiza kuyitegura mu gihe cy’ubushyuhe bwinshi.

Uburyohe bw’isupu buterwa n’ibyo watekesheje. Hitamo concombre zikomeye neza, na avocat ihiye neza. Koresha kandi umufa w’inkoko ntukoreshe umufa wa cube ; ahubwo uwikorere.

Ibanga : ibara ry’icyatsi y’iyi supu rigaragara neza nuyitakisha ikintu gifite akabara k’umutuku urugero : inyanya, poivron y’umutuku, radi, cyangw ibara ryarosa, nka saumon fume, cyangwa icyatsi kibisi ( ciboulette, aneth)

Ibikoresho

• concombre 3 zikomeye neza

• avoca 1 ihiye

• agace kamwe ka tungurusumu

• agatunguru gato k’umweru

• Umutobe w’indimu imwe cyangwa ebyiri

• Akayiko k’amavuta ya olive

• Umunyu n’urusenda rwa pilipili uko ubishaka

• Utuyiko 2 twa creme fraiche cyangwa yaourt itarimo isukari

• Igice cy’ikirahuri cya divayi y’umweru (niba ubishaka)

Uko bitegurwa

 Hata concombre, uzikate mo uduce mu burebure, ukuremo inzuzi. Hanyuma katamo uduce duto

 Hata avoka ukuremo ikibuto, uyikate hanyuma unyanyagizeho umutobe w’indimu

 Hata igitunguru na tungurusumu uzisekure

 Bishyire byose muri mixeur hamwe n’amazi, umutobe w’indimu, umufa w’inkoko cyangwa divayi y’umweru. Ni byiza gutangira ushyiramo nka 1/3 ugasya amasegonda 20 ukongera ugashyiramo ibisigaye. Murahita mubona imvange nk’iyigikoma gifashe.

 Bishyire mu gisorori kinini ubiyunguruye

 Ongeramo amavuta, agasenda, creme fraiche, na ya divayi. Vangisha fuwe. Wumve uko bimeze ushobora no kongeramo agasenda cyangwa umunyu.

 Bishyire muri frigo byibura amasaha 4( ni ngombwa amasaha 4)

 Mbere yo kubitegura ongera uvuruge na fuwe kuburyo ugira akantu k’urufuro hejuru

Tegura iyo supu mu dusorori cyangwa uturahure, uyitake uko ubishaka, uyitegurane biscuits zirimo umunyu cyangwa concombre zikasemo uduce tureture

Madame Marie, Umutoza mu guteka Tel 250 785 296 033