Ahabanza » Umuryango » Urugo » Ibibazo bitanu biba mu ngo hafi ya zose

Ibibazo bitanu biba mu ngo hafi ya zose

Yanditswe kuwa 26-01-2018 Saa 06 : 54

Ibi ni ibintu 5 bikunze kuba mu ngo bikabangamira kugubwa neza mu rugo iyo abahuye nabyo batamenye uko babyitwaramo neza. Ingo zose zihangana na byibura kimwe muri byo cyangwa se byinshi, haba bakibana cyangwa se bamaranye imiinsi. Bikaba ari byiza ko abagiye gushakana baba babizi baranaganiriye uko babyitwaramo.
Ibyo bintu ni ibi :

-  Kudahuza  : buri bantu babiri babana bagomba kumenya uko bahuza kuko baba bafite imyumvire, uburere n’amateka atandukanye. Bisaba kubikorera kugirango bagera ku rwego bumvikana neza.

-  Imirebere y’isi : nabyo ni ngombwa kubimenya no kubivuga mbere kuko umwe ashobora kuba ashaka kuba mu kindi gihugu, undi atabishaka cyangwa se umwe ashaka inzu undi ashaka imodoka bikaba byatera amakimbirane. hano bisaba kp abantu bataganzwa n’isi ngo bashake kwigana abandi

-  Ibintu biba bitunguranye : uburwayi bw’umwe mu bashakanye cyangwa kurwaza umwana, ibyago bindi, ubushomeri, kubura urubyaro n’ibindi byaza bitateguwe.

-  Kurutisha urugo indi gahunda urugo ntirwitabweho : ibi bishobora guterwa n’ingeso mbi umwe mu bashakanye agira nko gusinda, guca inyuma,… cyangwa se gutwarwa igitugu n’ikindi kintu yaba akazi, incuti, n’ibindi umuntu aba atabasha kwigobotora bimutwara umwanya urenze ukwiriye ku buryo haza ikibazo mu rugo

-  Kwikunda  : aha bigaragara buri wese mu bashakanye adashaka kwitangira mugenzi we ,buriwese akaba nyamwigendaho.

Birashoboka ko urugo rwaca muri bimwe muri ibi bibazo kandi rugasigara rwemye, gusa bisaba kubikorera no kuba abashakanye bafite urufatiro rukomeye rw ‘urugo rwabo.

Byavuye mu nyigisho za Mary Kamanzi
photo : Internet

Ibitekerezo byanyu

  • Hari n’ikindi kijya kigorana mu ngo nyinshi mu Rwanda, imiryango y’abugufi. Abashakanye iyo batabyitwayemo neza urugo rubamo impagarara kubera imiryango kandi bitari ngombwa. Umwe agashaka ko abavandimwe be babana mu rugo undi atabishaka cg bahagera bakihuza umwe mu bashakanye akibura. Nzi umugabo wataye urugo kubera ko umugore yazanye bakuru be n’abana babo murugo umugabo yajya ataha akabura umwanya murugo rwe birangira arutaye (sinashyigikiye icyemezo yafashe cyo guta urugo, kuko yarakwiye kuganira n’umugore yakwanga kumva agafata icyemezo nk’umugabo agasezerera abo bantu byaba ngombwa akabemerera ubufasha hanyuma agasiga asana iby’urugo rwe). Nzi umukecuru utaremeraga ko abakobwa be bajya kuba kwa musaza wabo wubatse kugirango badakomeza kumwizirikaho agaciro k’umugore we kakaburizwamo bakamusenyera (yambereye urugero rwiza, ababyeyi bakuru bakwiriye kubera maso ingo nshya bakazirinda icyatuma zihungabana). Ni byiza ko abashakanye bumvikana uko bazakomeza kubana n’imiryango bavukamo mu buryo bunoze butabangamiye urugo rwabo.

  • Iyu mugore uri ku ifoto nizere ko Atari umunyarwandakazi kuko gutinyuka gutunga urutoki umugabo kuriya nu ukumwubahuka birenze. Kuvugira hejuru no kuvugana nabi kubera umujinya birashyika ariko kumutunga urutoki kuriya kimwe no kumubwira amagambo amukomeretsa, amupfobya no kumutuka kirazi tujye tubyirinda kuko birasenya ntibyubaka.

  • Ikibazo cy’imiryango dushakamo byo ni hake mu ngo utazagisanga aho ni naho akenshi abenshi baba bifuza gushaka umuntu udafite umuryango munini kuko akenshi usanga kubijera ari ikibazo kuri benshi. Urugero twese tuzi ibyabaye mu gihugu cyacu aho usanga nk’umusore cyangwa umukobwa ariwe wasigaranye abasigaye, uwo muntu iyo ashatse rero ba bantu yarebereraga baba ikibazo cyane iyo umwe mu bashakanye aba atumva ko batandukana. Imana ijye idufasha iduhe ubwenge bwo kubaka ingo nziza naho kubwacu twenyine ntitwakwishoboza.

    Murakoze

  • Jye mbona kubaka urugo ari kaminuza yikirenga kandi ababishobora ni abanyamugisha rwose. Ibibazo biri mungo nibyinshi cyane gusa ahanini mbona biterwa nimyunvire itandukanye nuburyo bigoranye guhuza iyo myunvire (Different world views). Iyo muhuje imyunvire mungeso zanyu, kubaka birashoboka niyompanvu uzasanga hari ingo zabasinzi zikomeye, usange hari ingo zabatunze imiryango myinshi zikomeye, usange hari ingo zabazungu nabirabura zikomeye nizindi. Kurundi ruhande, kubera kudahuza imyunvire, uzasanga izo ngo zose navugaga hari izisenyuka nkuko hari ningo zabanyamaddini zisenyuka, nkuko hari ingo za jeuner marrier batagira umuntu numwe zisenyuka, nkuko hari ningo zabakire zisenyuka. Icyafasha abantu nicyabaha ubushobozi bwo guhuza imyunvire buri akagerageza kunva mugenzi we kandi akamenya ko hari ibyo atandukaniraho nundi. Ingo namayobera akomeye ibiyasenya nibintu bikomeye kumuntu kugiti cye ariko nini bintu byoroshye bitewe nimyunvire yaburi muntu. Abasore mujye mwishimira ubusore bwanyu iminsi mibi itaraza ariko mujye muteganya ko niyo minsi mibi yabajyeraho bityo bibahe imbaraga zo kwiyubaka nokuzashobora kubaka urugo rwanyu neza.

  • gusanange mbonakubaka ari ishuripe kuzana abana bo mumiryango murugorwanyu nabonye biteranya imiryango

  • umutiwabyose nugusenga kukobikomeza ingo

  • muraho !njyewe narumiwe ibyo mbona n agahomamunwa !sindashaka arko ibyingo ni dang !umugabo agira compte ye ahish umugore n umugore akagir iy ahish umugabo bakazagira iyo nneho bahurizah utwasigaye ku mpande zombi kdi ngo bitwa ko babanye bakundana !ntago byoroshye n ugusenga cyane.

IBITEKEREZO

  • Andika hano igitekerezo cyawe