Ahabanza » Umuryango » Urugo » Uburyo 10 abashakanye bacana inyuma batabizi.

Uburyo 10 abashakanye bacana inyuma batabizi.

Yanditswe kuwa 23-04-2018 Saa 06 : 22

Guca inyuma uwo mwashakanye akenshi bivugwa iyo umwe mu bashakanye akundanye cyangwa akoze imibonano mpuzabitsina n’undi mugabo cyangwa umugore. Nubwo ibyo ari byo ariko hari n’ibindi bikorwa biba ari uguca inyuma nubwo hatarimo ubusambanyi. Ibyo bikorwa ni ibi :

1. Kugira inshuti itari uwo mwashakanye bitari iby’urukundo rweruye ariko na none bitari ubucuti busanzwe. Ugasanga mukoranaho birenze ibisanzwe, amagambo mubwirana ntago ari ayo wabwira undi uwo ariwe wese. Abashakanye bakwiye kwirinda izo nshuti.

2. Kubwira ibibazo by’urugo rwawe, umuntu mudahuje igitsina. Ibibazo niba utabasha kubiganira n’uwo mwashakanye bibwire inshuti cyangwa undi muntu wo mu muryango muhuje igitsina. Akenshi ababibwira abo badahuje birangira havuyemo ubusambanyi nubwo biba byaratangiye atari byo bagamije.

3. Gusohokana n’undi muntu utari uwo mwashakanye . Kujya gusangira n’undi muntu mudahuje igitsina, gutembera hamwe cyangwa kumusura bigamije kugirana ibihe byiza gusa nabyo ni nko guca inyuma, wagombye kumara uwo mwanya uri kumwe n’uwo mwashakanye.

4. Kuvuga nabi uwo mwashakanye : kuvuga nabi uwo mwashakanye ubibwira uwo mudahuje igitsina cyangwa utari uwo mu muryango, nabyo wabyirinda cyeretse mu gihe hajemo ihohoterwa nibwo wabibwira ababishinzwe nubwo baba badahuje igitsina nawe.

5. Kwandikirana n’undi muntu mudahuje igitsina, muvugana ibintu by’amabanga utabwira uwo mwashakanye , hazamo no kwandikirana kuri whatsapp, kohererezanya amashusho udashaka ko uwo mwashakanye abona nabyo wabyirinda.

6. Kwambara ukarimba ubikorera undi muntu : Niba uri kwambara imyenda myiza, cyangwa yihariye ushaka kugira umuntu wemeza utari uwo mwashakanye tangira witekerezeho umenye impamvu uri kubikora.

7. Kwandikira umuntu mudahuje igitsina ikarita imwifuriza ibyiza, imwihanganisha cyangwa se kumuha intwererano ukabikora wenyine udashyizeho ko mubikoze hamwe n’uwo mwashakanye nabyo uba uri kumuca inyuma.

8. Kwanga gukora imibonano mpuzabitsina n’uwo mwashakanye nabyo ni bibi. Bitera ibibazo bikaba ari no kwanga ibyo uba wariyemeje mugiye kubana

9. Gushyira abana cyangwa ababyeyi bawe mbere y’uwo mwashakanye : nubwo abana n’ababyeyi ari ingenzi mu buzima ntibagomba gufata umwanya wa mbere ngo bajye bamenya gahunda zawe mbere y’uwo mwashakanye cyangwa abe aribo bakugira inama ukurikiza.

10. Gutwarwa umutima n’ ikindi gikorwa kurenza uko uwuha uwo mwashakanye urugero gukunda umupira cyane, akabari, ama film, akazi ka nyuma y’akazi n’ibindi bitwara umutima.

Buri wese wubatse yakwisuzuma akareba ko adafite aho aca inyuma uwo bashakanye mu buryo bumwe cyangwa ubundi akabireka.

Hifashishijwe urubuga rwa familfi.
Photo : google

Ibitekerezo byanyu

IBITEKEREZO

  • Andika hano igitekerezo cyawe