Ahabanza » Ubwiza » Kwiyitaho » Ese koko gukoresha Maggi bitera kanseri ?

Ese koko gukoresha Maggi bitera kanseri ?

Yanditswe kuwa 13-09-2017 Saa 11 : 01

Hashize igihe hakwirakwira inkuru yuko gukoresha ikirungo cya maggi byaba biri mu bitera kanseri.

Ndetse bamwe bagiye babivugaho kenshi dore ko ikijyanye na kanseri ubu gitinywa cyane, nyamara buri wese yabivugaga uko abyumva.

Muri iyi nkuru tugiye kurebera hamwe amashirakinyoma ku bijyanye na maggi tumenye niba koko ari mbi tuyireke cyangwa se niba hari igipimo ntarengwa dusabwa gukoresha.

Ese Maggi ikozwe n’iki ?
Iki kibazo kugisubiza niho hari izingiro ryo kumenya niba koko ari mbi dore ko ibigize ikintu ari byo biba byiza cyangwa se bikaba bibi.

Iyo usomye ku gapaki ka Maggi usanga irimo ibi bikurikira :

  • • Umunyu urimo iode
  • • Isukari
  • • Ibyongera icyanga n’impumuro ari byo Monosodium Glutamate, Disodium Inosinate na Disodium Guanylate
  • • Amidon yo mu bigori
  • • Amavuta y’amamesa yongewemo hydrogen akaba ibinure bigerekeranye (trans fats)
  • • Ibikomoka kuri soya
  • • Amazi
  • • Irangi (Ammonia caramel)
  • • Ibitunguru
  • • Ferric Pyrophosphate
  • • Soya Lecithin
  • • Ibirungo nka White Pepper, Chilli, na Clove
  • • Ibikurwa mu musemburo

Ese koko maggi ni mbi ?
Aha niho ikibazo nyamukuru kiri
Mu bigize maggi tuvuze hejuru ibiteje ikibazo kurenza ibindi ni bitatu muri byo ari byo

  • • Umunyu
  • • Monosodium glutamate (MSG)
  • • N’amavuta y’amamesa cyangwa se ibinure bigerekeranye

Kugeza ubu ntawe uyobewe ko umunyu mwinshi Atari mwiza ku buzima dore ko ari isoko yo kurwara umuvuduko udasanzwe w’amaraso na cyane ko uwo basanzemo iyi ndwara bamusaba guhita ahagarika umunyu.

Ibi rero bituma gukoresha Maggi cyane bishobora kongera ibyago byo kurwara umuvuduko udasanzwe w’amaraso. Ikibigira ikibazo ni uko usanga dukoresha Maggi nyinshi mu ifunguro rimwe kandi na Maggi ebyiri gusa ziba zamaze kurenza igipimo cyemewe cy’umunyu dore ko mu biyigize hafi 70% ari umunyu.

Ikindi twagarukaho ni MSG twavuze haruguru. Iyi nayo iboneka kenshi mu biryo bipfunyikwa, ni mbi noneho ikaba mbi cyane ku bana bato.

Mu ndwara zinyuranye ishobora gutera mu gihe ibaye nyinshi harimo :

  1. • Asima
  2. • Umubyibuho udasanzwe
  3. • Kanseri
  4. • Umutwe w’uruhande rumwe
  5. • Ibinya bidashira
  6. • Ibibazo byo guhumeka
  7. • Depression
  8. • Kwishimagura
  9. • Gutera nabi k’umutima
  10. • Gususumira
  11. • Gucika intege

Ubanza ariyo mpamvu nyuma yo gufungura ibirimo Maggi usanga umuntu yacitse intege.
Tugere noneho kuri ya mamesa yongewemo hydrogen.

Ibi binure bigerekeranye byabaye isoko y’indwara zinyuranye z’umutima. Bituma imiyoboro y’amaraso ijyamo ikimeze nk’ingese nuko bigatera kuzamuka kwa cholesterol mbi mu mubiri amaherezo bikabyara indwara zinyuranye z’umutima. Ndetse bishobora no kubyara indwara ya stroke, indwara ikirwa na bacye mu bayirwaye dore ko ari uguturika cyangwa kwifunga k’umutsi munini ujyana amaraso mu bwonko.

None dukore iki ?
Iyo bigeze aha, hakora umutimanama wa buri muntu. Hari abavuga ngo ni hahandi amaherezo tuzapfa, gusa abo ntitwabura kubibutsa ko nubwo gupfa ari rimwe , ariko nanone gupfa uzi ko bitewe n’uburangare bwawe birababaje.

Inama twatanga rero hano ni izi zikurikira :

  1. • Maggi iba mbi cyane iyo ikoreshwa kenshi kandi igakoreshwa ari nyinshi. Byibuze aga cubbe kamwe kayo mu ifunguro karahagije naho Atari buri munsi
  2. • Uretse na Maggi gusa, mu kugura ibirungo irinde ibirimo amarangi (wibuke ko na Maggi birimo)
  3. • Irinde ibirimo amavuta y’ibimera by’umwihariko amamesa (huile de palme)
  4. • Irinde ibirimo glutamate yongera icyanga
  5. • Shakisha ibibonekamo umunyu mucye
  6. • Ibande ku bibonekamo ibimera (karoti, ibitunguru, thym, …)
  7. • Shakisha ibirimo ibibigize (ingredients) bicyeya

Source : umutihealth.com

Ibitekerezo byanyu

  • Murakoze cyane !!

  • Murakoze cyanee ku bw’iyi nkuru mutugejejeho. Ariko ngize impungenge cyane kuko mfite umwana w’umwaka umwe n’igice ukunda kurwanira maggi cyane nkasanga abakozi bayimuhaye ku buryo hafi ya buri munsi nasangaga bayimuhaye ariko nanjye sinarinzi ko arimbi bigeze aha. Nabasabaga inama kucyo nakora kugira ngo izo yariye ze kumugiraho ingaruka. Murakoze

  • Murakoze cyane kuri aya makuru muduhaye ariko mpise ngira impungenge.Mfite umwana w’umwaka n’igice, akunda kurwanira maggi nkasanga umukobwa umurera yayimuhaye hafi ya buri munsi nanjye sinzihishe kuko ntarinzi ububi bwazo ariko ubu ngiye guhita nzibika. Ubu mfite ubwoba ko izo yariye zizamutera ziri ngaruka mwatugejejeho none nagira ngo mungire inama y’icyo nakora. Murakoze cyane.

  • Murakoze kubwaya makuru ya Maggi muduhaye twayikoreshaga tutazi igipimo tugomba gukoresha, ubutaha muzatubwire no kuri sauce tomate niba atari mbi kuyikoresha kenshi

  • Murakoze cyane, ubu tumenye ikigero gikwiye, muzatubwire no kuri sauce tomate niba atari mbi kuyikoresha kenshi.

  • Murakoze cyane kutujyira inama,

    nabazaga kuri makaroni ya Nodles cg Express abana bakunda cyane agiramo nibirungo byayo. ese yo ntacyo atwaye ?

  • Mbega ubwoba ngize. murakoze cyane Njye ndagukunda cyane kuburyo iwanjye n(abana bayiminjiraga mubiryo bihiye. Ngiye kuyivaho Imana imfashe ntibe yaratugizeho ingaruka !!!Encore Mercii

  • Murakoze cyane. Muzatubwire icyo wakoresha kiri natural gishobora gukiza
    indwara yo kudasinzirira (Insomnia)udakresheje imiti ya kizungu. Murakoze.

  • Murakoze, mwatumenyera n’andi makuru ajyanye na za ONJA LoICo n’ibindi bisa nabyo bilkoreshwa mu kurunga ibiryo.

  • murakoze cyane ku biteketezo muduha. jye iyi maggi maze 3 ans narayiretse , kuko ikibi uruya munyu wa glut, bashyiramo ni umunyu utari umunyu, ni mubi cyane ni nawo bashyira muri sausice na jambo. uwashobora yabireka kimwe na ya sukali y aba diabetique ngo ni mbi cyane murakoze.

  • oooh murakoze,njye nazikundaga cyane kazirirya ari mbisi ndetse nkazikoresha mu byi kurya no mu masarade,hafi ya burimunsi.
    murakoze Imana ibahe umugisha

  • MURAKOZE CYANE IMANA IBAHE UMUGISHA INAMA ZANYU NINGIRA AKAMARO.

IBITEKEREZO

  • Andika hano igitekerezo cyawe