Ahabanza » Guteka » Ifunguro ry’ingenzi » Imyumbati n’ifi bitetse mu makoma

Imyumbati n’ifi bitetse mu makoma

Yanditswe kuwa 20-12-2016 Saa 01 : 59

Ibikoresho

  • Imyumbati 3 iri mu rugero mibisi ikiri mishya
  • Ubunyobwa bwa pate ibiyiko 3 ( ni ubunyobwa buba bufashe nk’umutsima)
  • Ifi ya filet garama 500
  • urukoma rw’’insina 1 rudatobotse
  • Umunyu ½ y’akayiko gato

Uko bikorwa

  1. Hata imyumbati uyironge neza
  2. Yirape ivemo uduce duto duto cyane
  3. Toba ubunyobwa mu mazi burekure mo gake
  4. Tunganya ifi uyikatemo udusate
  5. Fata ibikoresho byose ubivange bimere nk’ubugari bufashe ushyiremo n’umunyu
  6. Babura urukoma ku muriro kugirango rworohe birurinde kuza gucika
  7. Bipfunyike mu makoma ku buryo amazi atabona aho yinjirira
  8. Fata isafuriya ushyiremo amazi menshi abire
  9. Amaze kubira tegesha utuntu ( nk’uduti, n’ibindi wabona) muri ayo mazi ku buryo uri buterekeho rya koma wapuinyitse amazi ntakoreho umwuka wayo ukajya uyazamukiraho wonyine
  10. Bireke bimare amasaha abiri ku ziko amazi ari kubira
  11. Bigabure bihoze cyangwa se bishyushye bitewe n’icyo ukunda

Mu mwanya w’imyumbati ushobora gukoresha igitoki

Gracieuse Uwadata

Forum posts

IBITEKEREZO

  • To create paragraphs, just leave blank lines.