Ahabanza » Abagore » Ibikorwa » Gatsibo: Abagore batinyutse kujya mu nzego z’umutekano

Gatsibo: Abagore batinyutse kujya mu nzego z’umutekano

Yanditswe kuwa 09-10-2016 Saa 15 : 14

Abagore bo mu karere ka gatsibo bamaze kwitinyuka muri gahunda zitandukanye za leta zirimo n’iz’umutekano kandi abamaze kuzitabira bakunda imirimo bakora ndetse hari n’abandi bifuza kwinjiramo nkuko abo twaganiriye bakora akazi ko gucunga umutekano mu rwego rufatanya n’akarere mu gucunga umutekano rwa DASSO babitangaza.

Slyvie amaze imyaka ibiri muri aka kazi ko gucunga umutekano mu karere ka Gatsibo,yagize ati :’’Jyewe nkunda cyane uyu mwuga kuko namye nkunda ibijyanye n’igisirikare kuburyo numvaga ntazarinda nsaza ntagiye mu gisirikare cyangwa mu gipolisi

Kuba bakora aka kazi ari abagore ngo ntibibabuza gukora akazi kabo neza kandi nta nubwo abaturage babasuzugura bitwaje ko bari baramenyereye kuyoborwa n’abagabo,dore ko aribo akenshi bajyaga bagaragara mu kazi ko gucunga umutekano kurenza abagore.

Uretse aba bagore twaganiriye bamaze Imyaka ibiri,hari n’abandi bagore bifuza kujya muri aka kazi ndetse bakaba biteguye kuzasaba nabo bakajya guhurwa mu cyiciro cyizakurikira nkuko Mundere Aneth abisobanura.

Aneth ati;’’jyewe nubwo ndi umugore numva nta kabuza umunsi Dasso yongeye gukenera abandi bakozi nanjye nzajya kwiyandikisha kuko numva mbikunda cyane kandi ibisabwa ndabyujuje,kuko namenye ko bakira abantu bakiri bato kandi bize nibura amashuri atatu yisumbuye,nanjye rero ndayafite sinabura kugerageza amahirwe.

Bwanakweli Jovia umuyobozi wungirije uyobora urwego rwa DASSO mu karere ka gatsibo ashikariza abandi bagore bafite ubushake kwitinyuka bakirinda kumva ko batabishobora ahubwo nabo bagaharanira kuteza imbere igihugu mu nzego zose.

Jovia ati;’’nta mugore ukwiye kwitinya mu gihe yumva ko hari ikintu yifuza gukora akagira isoni ngo nuko atari umugabo,ahubwo bakwiye gutinyuka bose kuko kurgeza ubu ntawutemerewe gukora imirimo yose.Turashishikariza buri mugore wumva yagira uruhere mu kwicungira umutekano w’igihugu cyacu ko yajya aza tukamwakira twese tugafatanya.

DASSO ni urwego rwunganira ubuyobozi bw’akarere mu gucunga umutekano.Mu karere ka Gatsibo hakaba habarurirwa abacunga umutekano muri DASSO basaga 90 barimo abagore 5 gusa,uyu mubare ukaba ukiri hasi ariko hakaba hari ingamba zo gukomeza gukangurira abandi bagore bafite ubushake kuziyandikisha mu cyiciro cya kabiri.

NZIZA Paccy

IBITEKEREZO

  • To create paragraphs, just leave blank lines.