Ahabanza » Abagore » Ibikorwa » Abagore 3 bakomeye muri Afrika muri 2016

Abagore 3 bakomeye muri Afrika muri 2016

Yanditswe kuwa 16-09-2016 Saa 17 : 11

Mu rutonde Forbes Magazine iherutse gukora rw’abagore 100 bakomeye ku isi, hajemo abagore 3 b’abanyafrika, bikaba bivuze ko forbes yemeza ko abo bagore aribo bakomeye muri Afrika muri uyu mwaka wa 2016. Gusa nabo usanga baza ku myanya ya nyuma muri urwo rutonde rw’abagore 100 bakomeye ku isi muri 2016.

JPEG - 41.2 ko

1. Folorunsho Alakija, umushoramari ukomeye mu bya peteroli
Alakija, niwe mugore ukunze kugaragara ku mwanya wa mbere mu bagore bakomeye akanayobora urutonde rw’abagore bakize muri Afrika. Uyu mugore w’imyaka 65 ukomoka muri Nijeriya, yungirije umuyobozi wa kompanyi ikora ibya peteroli yitwa Famfa Oil. Ku rutonde rw’abagore 100 bakomeye ku isi, yaje ku mwanya wa 80.

JPEG - 281.5 ko

2. Ellen Johnson Sirleaf, Perezida wa Liberiya
Ellen Sirleaf niwe uza ku mwana wa kabiri mu bagore bakomeye muri Afrika. Azwiho kuba yararwanye urugamba rukomeye mu kugarura amahoro mu gihugu kuko yabaye perezida kivuye mu ntambara. Yanahanganye n’icyorezo cya Ebola, dore ko igihugu cye ari kimwe mu byibasiwe na Ebola ubwo yayogozaga Afrika. Uyu mugore w’imyaka 77 yanahawe igihembo cy’amahoro cyitiriwe Nobel muri 2006. Ku rutonde rw’abagore 100 bakomeye ku isi aza ku mwanya wa 83

JPEG - 43.8 ko

3.Ameenah Gurib-Fakim, Perezida wa Mauritius
Ameenah Gurib, perezida wa Mauritius aza ku mwanya wa gatatu mu bagore bakomeye muri Afrika muri uyu mwaka wa 2016, ku rutonde rw’abagore 100 bakomeye ku isi yose akaba aza ku mwanya wa 96. Uyu mugore w’imyaka 56 niwe mugore wa mbere wayoboye ibirwa bya Maurice. Yagiye ku butegetsi muri 2015.

Aba nibo bagore 3 bagaragaye b’abanyafrika bagaragaye ku rutonde rw’abagore bakomeye ku isi 100 muri uyu mwaka wa 2016.

Gracieuse Uwadata

IBITEKEREZO

  • Andika hano igitekerezo cyawe