Salade irimo ibishyimbo n’ibigori

Yanditswe: 22-10-2019

Salade irimo ibishyimbo n’ibigori ni salade ikomoka muri Nijeriya ndetse ikaba ari salade yafatwa nk’ifunguro ry’ingenzi ukayifata ukwayo cyangwa se ukayifata wateguye andi mafunguro. Byose byaterwa nuko ubyifuza.

Dore uko wategura iyi salade

  • Afafungo gato ka laitue ( salade)
  • Karoti ziri mu rugero 5
  • Cocombre 2
  • Ibijumba 3 biri mu rugero
  • Amagi 3
  • Ibishyimbo bitetse agakombe 1 wakaranze na sauce tomate ukabyumutsa neza
  • Ibigori byumye bitetse agakombe 1
  • Inyanya 5
  • Mayonnaise

Banza utegure ibi :

  • Ronga ibijumba ubitogose kugeza igihe bihiye ukaba wajombamo icyuma kikinjira byoroshye. Kugirango utaza gutinda ushobora kubitogosanya n’amagi mu isafuriya imwe bigahira rimwe.
  • Ronga imboga zose neza
  • Kata Laitue mo duto
  • Rapa karoti
  • Kata bya bijumba mo uduce duto
  • Hata cocombre uyikate uhagaritse kugIrango ubone uko uza gukuramo imbuto z’imbere ukoresheje icyuma
  • Kata inyanya mo udusate duto
  • Byose ugomba kuba wabikatiye mu bikoresho bitandukanye buro cyose mu cyacyo
  • Suka ibigori mu gasori amagi nayo uyakureho ibishishwa

Uko bikorwa

  • Tegura igisorori ukoreramo salade ujye ugenda ushyiramo imboga zose ufataho duke ku buryo hari buvemo amacouche atandukanye kugeza imboga zishize.
  • Ubonye kuri buri mboga hasigaye icya kabiri ushyiramo ibishyimbo, ibijumba n’ibigori hejuru ukarenzaho imboga zasigaye
  • Shyiramo mayonnaise uvange
  • Kata amagi yatogoshejwe uyashyire hejuru abe umutako wa salade

Ibindi wamenya :
Mu gihe udafite laitue ushobora gukoresha ishu,
Ibigori n’ibishyimbo bishobora gusimbuzwa amashaza cyangwa se makaroni zitogosheje
Iyi salade ishobora kumara amasaha 24 ikimeze neza

Gracieuse Uwadata

IBITEKEREZO

  • Andika hano igitekerezo cyawe