Isosi y’inyanya na koroti
Yanditswe: 11-09-2015
Ibikoresho
- Karoti 2 zirapye
- Igitunguru 1
- Inyanya 2 cg 3
- Tungurusumu udusate 3
- Amavuta ibiyiko 2
- Ibiyiko 2 bya sauce tomate
- Igikombe cy’umufa
- Poivre n’umunyu
- Ibibabi bya laurrier byumye ( ziba zifite ibibabi binini bijya kumera nk’iby’inturusi) mu masoko nka kimironko n’ahandi birahaboneka.
- Akayiko gato k’isukari ( umumaro w’isukari nuko inyanya zigira acide ako gasukari kagabanura iyo acide iba mu nyanya)
Uko bikorwa
- Fata amavuta ugashyira mu isafuriya ugashyiramo igitunguru ku muriro muke
- Igitunguru cyamara gusa n’icyoroshye ugashyiramo tungurusmu
- Garagura umare iminota 2
- Shyiramo inyanya zikase na karoti zirapye
- Byamara gushya ugashyiramo sauce tomate uvange
- Shyiramo umufa ugabanye umuriro
- Shyiramo poivre n’umunyu ubireke ku ziko iminota 20 biri ku murirko muke
- Byamara gushya ukareba ko byahiye ukongeramo ka gasukari
- Bikureho ubishyire muri mixeur ubisye
- Bigarure ku ziko bimare iminota 5
- Bigaburane n’inyama zumutse
Byatanzwe na Eugenie, Umuyobozi wa Home Appetit akaba n’umutoza mu guteka
Ku bindi bisobanuro mwabariza kuri 0785094803 no kuri email : eugeniembone@gmail.com